МОВА РОДНАЯ, ГУЧЫ!
Міжнародны дзень роднай мовы заснаваны ў 1999 годзе рашэннем Генеральнай сесіі ЮНЕСКА і штогод адзначаецца 21 лютага. Галоўная яго мэта – захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай. Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яе носьбіта.
Класік беларускай літаратуры Змітрок Бядуля пісаў: “Не саромся, беларус, гаманіць па-свойму — на роднай мове бацькоў і дзядоў сваіх. Шануй сваю мову, шануй свае песні, свае казкі, звычаі і ўсё роднае — гэта спадчына дзядоў і вялікі нацыянальны скарб. Толькі тады цябе ўсе будуць шанаваць як чалавека, калі сам сябе будзеш шанаваць — калі не адкінеш свайго нацыянальнага ўласнага багацця. А першы скарб нацыянальны — гэта родная мова”.
21 лютага традыцыйна адзначаюць Міжнародны дзень роднай мовы. Сёння ў нашым рознагалосым свеце налічваецца больш за шэсць тысяч моў, і палова з іх знаходзіцца пад пагрозай знікнення. Менавіта дзеля іх захавання і быў абвешчаны Дзень роднай мовы. Гэта цудоўная нагода для носьбітаў любой мовы яшчэ раз задумацца аб лёсе той, адзінай, якую мы завём матчынай, на якой размаўлялі нашы продкі.
У дзіцячай бібліятэцы №6 имя В.Віткі ў нядзелю адбылося сапраўднае сямейнае свята, на яком нашы чытачы рознага ўзросту змаглі яшчэ раз прызнацца ў любові да роднай мовы. Для дзяцей было падрыхтавана шмат сюрпрызаў! На мілагучнай беларускай мове гучалі песні, казкі і мультфільмы, вяліся жывыя размовы. Артысты лялечнага тэатра паказалі спектакль па казцы Ніны Галіноўскай "Ашуканы воўк".
"Ніякае багацце людзей не бывае даражэйшым за іх родную мову"
(Якуб Колас.)
#цсдб_минск #детскаябиблиотека #библиотекаВитки #роднаямова #дзеньроднаймовы #21лютага #беларускідзень #чытаемпабеларуску #чытаемнароднаймове #беларускаямова
