ПАД СУЗОР'ЕМ ДАБРЫНІ
Дзень сямейнага адпачынку ў нашай бібліятэцы быў прысвечаны юбілею вядомага дзіцячага пісьменніка Міхася Пазнякова, які святкуецца сёння, 24 студзеня.
Лаўрэат шматлікіх літаратурных прэмій у сваіх творах апявае нашу родную Беларусь, прыгажосць і багацце прыроды, услаўляе мужнасць, братэрства, мірную працу, сардэчнасць і дабрыню.
Нашы юныя чытачы і іх бацькі знаёміліся з кнігамі выдатнага паэта і празаіка, чыталі вершы, адгадвалі загадкі, глядзелі лялечны спектакль па матывах казак юбіляра.
Натхнёныя паэзіяй, нашы госці з задавальненнем прынялі ўдзел у вырабе прыгожай цацкі з паперы. Пацешныя і рознакаляровыя вожыкі - героі казак М.Пазнякова - атрымаліся нават у самых маленькіх дзетак. Сумесная творчая праца так захапіла юных майстроў, што проста не хацелася пакідаць утульную дзіцячую бібліятэку.
#цсдб_минск #детскаябиблиотека #библиотекавитки #юбілейпісьменніка #міхасьпазнякоў #нашичитатели #мастеркласс #роднаямова