Пры інфармацыйнай і фінансавай падтрымцы Інстытута імя Гёте ў Мінску ў Цэнтральнай дзіцячай бібліятэцы імя М.Астроўскага праходзяць наступныя мерапрыемствы:
«Вучымся з Гансам» – нямецкі з «нуля». Школа вывучэння нямецкай мовы існуе на базе бібліятэкі не адзін год. Мэта заняткаў – не проста пазнаёміць дзяцей з нямецкай мовай, але і прывіць цікавасць да культуры, традыцый, літаратуры. Дзеці з задавальненнем прыходзяць на заняткі да вяселага і няўрымслівага зайчыка Ганса, які з задавальненнем знаёміць маленькіх вучняў са сваёй Радзімай, яе традыцыямі, літаратурай.
Курс разлічаны на дзяцей дашкольнага і малодшага школьнага ўзросту. Колькасць дзяцей у группе ў сярэднем састаўляе 13-15 чалавек. На занятках у форме гульні дзеці вучацца расказваць пра сваю сям’ю, сяброў, кватэру, любімыя цацкі, адзенне, распарадак дня і г. д.
Розныя формы работы і ўзаемадзеяння, цёплая атмасфера спрыяюць раскрыццю здольнасцей і схільнасцей маленькіх вучняў. На занятках абавязкова прысутнічае аўтэнтычны матэрыял: песні, загадкі, лічылкі і г.д. Найбольшы інтарэс выклікаюць творчыя заданні: размалёўкі карцінак, аплікацыі, гульні, спевы і г.д. Дзеці авалодваюць толькі вуснай мовай.
“Фабулі. Паглыбляем свае веды” з’яўляецца працягам курса “Вучымся з Гансам”. Мэтай заняткаў з’яўляецца паглыбленне ўжо атрыманых ведаў, больш глыбокае знаёмства з культурай і традыцыямі нямецкамоўных краін, у прыватнасці, Германіі.
На занятках прадстаўлены розныя віды і формы працы. Дзеці малодшага школьнага ўзросту знаёмяцца не толькі з вуснай формай нямецкай мовы, але і асвойваюць навыкі чытання і пісьма. Усе тэмы, якія вывучаюцца на занятках, з’яўляюцца актуальнымі і зразумелымі для дзяцей. Не абыходзяцца заняткі без творчых заданняў, якія так падабаюцца дзецям. Абавязковым элементам навучання з’яўляюцца аўтэнтычныя матэрыялы, дзякуючы якім вучні слухаюць правільную нямецкую мову.
Групы вызначаюцца невялікай колькасцю вучняў, да 10-12 чалавек.
У межах курсаў “Вучымся з Гансам” і “Фабулі” адбываецца святкаванне самых важных свят Германіі ( Каляды, Новы год, Вялікдзень і інш.).
“Знаёмцеся, …” – цыкл гучных чытанняў-абмеркаванняў твораў нямецкамоўных аўтараў. За апошні час у дзіцячай літаратуры з’яўляецца ўсе больш новых імёнаў не толькі айчынных, але і замежных аўтараў і ілюстратараў. На сустрэчах гэтага цыкла маленькія чытачы знаёмяцца з найлепшымі дзіцячымі перакладнымі кнігамі нямецкамоўных аўтараў. Кожная сустрэча – гэта новая кніга і новы аўтар са сваім непаўторным і багатым літаратурным светам. Нашы чытачы і іх бацькі ўжо пазнаёміліся з наступнымі аўтарамі: Натаніэль Нап, Штэфані Дале, Андрэа Шутцэ, Саскія Хула, Жоэль Турлонья, Брыгіта Вэнінгер, Анэта Амрайн, Забінэ Штрауб, Брыгіта Эндэрс і інш.
Дзеці адкрываюць для сябе не толькі новых герояў, але і даведваюцца цікавыя факты пра іх стваральнікаў: аўтараў і ілюстратараў. Маленькія чытачы і іх бацькі з задавальненнем наведваюць гэтыя сустрэчы, бо пасля прачытання гісторыі іх абавязкова чакае творчае, развівальнае ці пазнавальнае заданне.
“Вучымся і забаўляемся” – клуб аматараў нямецкіх настольных гульняў. Пасля школьных заняткаў нашы чытачы маюць магчымаць не толькі пачытаць кнігі ва ўтульнай чытальнай зале, але і пагуляць з сябрамі ці іншымі чытачамі ў настольныя гульні. Вялікая калекцыя настольных гульняў карыстаецца папулярнасцю як у дашкольнікаў, так і ў падлеткаў. Трэба адзначыць, што настольныя гульні садзейнічаюць не толькі вывучэнню нямецкай мовы, развіццю памяці, кругагляда, логікі, зікаўнасці, уважлівасці, знаходлівасці, але і фарміруюць навыкі зносін з іншымі людзьмі, выпрацоўваюць уменне працаваць у камандзе і г.д. Дзякуючы нашым гульням чытачы не толькі маюць магчымасць адпачыць пасля напруджанага школьнага дня, але і знайсці новых сяброў і проста правесці весела час.
16 мая 2019 года на тэрыторыі дзіцячай бібліятэкі №5 высаджана дрэва Гінкга Білоба ў рамках акцыі да 25-годдзя Інстытута імя Гёте ў Мінску.
Інстытут імя Гётэ
27 Cтудзеня 2019
Міжнароднае супрацоўніцтва
4
/ 4