Кніга адкрываецца – казка пачынаецца!

Ці любіце вы беларускія казкі? А нашы маленькія чытачы з вялікім задавальненнем чытаюць, абмяркоўваюць, нават спрачаюцца. Гэта пацвердзіла чарговая сустрэча, якая адбылася 4 лістапада ў дзіцячай бібліятэцы імя М. Астроўскага. Хлопчыкі і дзяўчынкі 208 мінскай школы ахвотна ўключыліся ў дыялог, спрытна адказалі на пытанні літаратурнай віктарыны, знайшлі на старонках беларускіх выданняў палюбіўшыхся героеў. А павучальная казка «Коцік, пеўнік і лісіца» навучыла юных чамучак больш абачліва і асцярожна ставіцца да малазнаёмых людзей, берагчы сяброўскія адносіны.