2 ліпеня ў дзіцячай бібліятэцы імя М. Астроўскага адбылася літаратурна-гістарычная гадзіна да Дня Незалежнасці Рэспублікі Беларусь, на якой прысутнічалі вучні школы № 181.
Дзень Незалежнасці Рэспублікі Беларусь – гэта ўвасабленне сувязі пакаленняў і іх плённай працы, сімвал міру і дабрабыту нашай радзімы. Гэтае свята для ўсяго беларускага народа з'яўляецца сімвалам нацыянальнага гонару, выказваннем глыбокай любові да сваёй краіны. Мы свята шануем вялікі подзвіг старэйшых пакаленняў, цаной свайго жыцця і самаадданай працай якія заваявалі для нас мір і права на развіццё.
